喜泰味

营业中

休息中

Hey Thaimate ~~~~今日约咗朋友嚟到长沙湾。见到翻新后嘅丽阁邨，好有文青feel呀！商场都用鲜艳颜色嘅货柜打造成，去咗其中一间泰国嘢食晚饭。本来觉得喜泰味呢个名好翘口  XDD 原来系有Hey, Thai Mate! 嘅意思又几有趣㖞 入面嘅环境都几唔错，装修雅致，空间感都okay. 台与台距离唔会太近，同朋友食咗两个半钟Girls' Talk，staff都冇话我哋呀每枱人客一坐低就送虾片。睇落个样唔错，食落都ok，有几块特别重味精味。最好因为就快啲食，如果唔系好易淋。 今日嗌咗个二人餐 加38蚊4串串烧，另外再用+16蚊追加特饮。食泰国嘢梗系要heavy啲㗎喇  XD 芒果西米特饮好似食咗成个芒果糖水咁，咸柠七 就可以中和番啲辣味，同埋七喜太甜嘅味。 二人餐包一碟炒菜。今次试下马拉盏炒芥兰，味道都几好，唔会太辣。芥兰有剪过，容易啲食。同埋用左好多姜丝辟腥。 个饭份量都几多下 主菜今次嗌咗黄咖哩牛腩煲。牛腩份量都好多，有好香浓嘅牛味，同埋椰汁香味，好味道。 串烧都好有惊喜呀！叫咗四串猪肉串烧，非常juicy. 咬落有啖啖肉口感。条边仲有微微焦香味，唔使点酱都好正好好味。