鳴橋燒肉料理 (已結業)

鸣桥 睇见喱度好评咁强劲，今日终于同朋友一齐黎试下喱间人气爆灯嘅烧肉放题。 我地睇完啲order纸，最后决定加埋𠮶$40升级。因为加左之后多好多贵价野食，好似羊架、虎虾、同帆立贝𠮶啲，都唔差𠮶少少钱啦，当然要对自己好啲。 讲番下质素先，有惊喜㖞，放题黎计已经算系咁。虎虾几新鲜，都算爽口嘅，无咩雪味，叫左成打黎烧，咩本都回哂啦。其他肉类都无咩hea做，唔系𠮶种用松肉粉乸到无哂口感嘅货色啰。特别堆介牛肋肉、一口和牛同羊架。 蔬菜方面都唔错㖞，粟米同翠肉瓜就最得我欢心。因为烧完啲肉类，流出黎嘅油份同肉汁，系烧蔬菜嘅时候就能够吸哂入去，再洒两粒海盐，令平凡嘅蔬菜都变得好美味呀。值得一提就系，喱度嘅炉上面放左张烧烤纸，令到烧野食𠮶时冇咁易烧㶶，而且抽气都算ok嘅，冇咩油烟，烧完成晚都无𠮶阵烧肉味。