RISE Kitchen (已結業)

今日天气唔好，晏左起身出面个天黑过我块面，好想食D好嘢，令到自己心情好啲，一于食个好味嘅brunch，一起身饮过芒果smoothes 感觉特别清新，另外呢杯碟豆花乳酪饮品，碟豆花对身体有益加埋乳酪味酸酸甜甜又几好味㖞。All day breakfast 之前已经食过，今日食过豪华版，除咗我好欣赏餐厅嘅法式面包，因为佢呢度嘅面包冇添加剂，每日新鲜制造，特别松软同埋感觉食得特别健康，今次我食呢个面包系栗子蓉面包，食完觉得好好味，我即刻买咗一条返屋企食。豪华版最主要系多咗带子同三文鱼，带子好厚身好大粒，味道鲜甜，点埋牛油果酱一齐食，非常好食，另外三文鱼配埋黑松露炒蛋，非常夹，食完一大个早餐成日都非常满足。朋友点左碟意粉当lunch 咁食，蕃茄大虾意粉，估唔到大虾有四大只，我偷食左一只好弹牙好好味，蕃茄汁亦都好浓郁，嚟过呢间餐厅几次，每次都冇令到我失望，作为街坊都会继续支持。