漁樂場

营业中

休息中

平时喺荃湾大鸿辉中心揾食，都系主打打边炉或者烧肉，估唔到最近新开咗一间食烤鱼嘅餐厅，系非一般餐厅，有live band，仲可以现场唱K,咁特别，紧系要去试一试啦。餐厅装修带点以前歌厅feel，中间有个舞台演唱，台下四周同舞台唔会太远，更有气氛。当天餐厅满座，大家边食边听歌，挥动电话灯，气氛更high.每枱几乎必点烤鱼，我地都点了皇牌藤椒烤鱼。烤鱼好大条，铺满了大量藤椒，芫茜及洋葱，非常吸睛。鱼肉嫰滑，吸左藤椒嘅香辣味，味道相当唔错。烤炉keep住鱼嘅温度，完全唔惊涷左。孜然牛肉串牛肉嫰滑，孜然味香，好惹味五花腩串猪肉层次分明鱿鱼须串唔会太韧，送酒一流韮菜串如果调味轻一点就更好碳酸蜜瓜精酿啤酒大大杯，啤酒带啲蜜瓜香甜，香滑易入口霸气芒果沙冰芒果味浓郁，甜度啱啱好，配合各式串烧食，可以消消油腻感渔乐场现场气氛好high,边食边饮边听歌，喜欢嘅仲可以点首k歌唱埋一份，啱哂一班朋友畅饮聚会。