秀拉麵 (已結業)

早兩日出開中環,咁岩經過鏞記,見到對面開左間日本拉麵,極鍾意食日本野既我當然唔可以錯過!叫左白秀拉麵、煎餃子同烤叉燒白秀拉麵我加左熟蛋同蔥，ｄ麵幾滑同埋好索湯，不過個湯底同我想像有d唔同，佢唔係奶白色而係淡啡既，味道幾特別，杰杰地同九州一樣咁地道，隻蛋就一般般啦。煎餃子好好食，煎得好香脆，加埋d青葱、芝士同明太子沙律醬，好正! 點埋檯上面果隻甜甜地既sauce，真係perfect match! 下次一定要encore ~~~~~烤叉燒就烤得好鬆化，唔油膩，係水準之作!服務方面都幾滿意，店員殷勤友善，反應迅速。有支水係檯好方便，唔使下下叫人斟水。 如果可以有多d area擺野就更加好喇