GREEN

去天外天饮完茶，刚好嚟食件饼做甜品，二时左右来到不用等位，饼柜内有十多款蛋糕，今期特式系榴梿做嘅蛋糕，不过唔系我杯茶，喜欢榴梿嘅朋友可以嚟试下。 我抹茶怪当然选绿茶朱古力蛋糕啦！这个绿茶朱古力蛋糕共有8层咁多，第一层抹茶粉茶味浓郁带抹茶苦涩味而第二层白糖粉正好中和这苦涩味，第三层抹茶慕丝，轻软好像棉花糖，第四层系抹茶蛋糕，第五层系抹茶慕丝，第六层系浓味朱古力，第七层系朱古力脆脆， 朱古力这两层令成件饼增加味道层次及口感，带出画龙点睛之效， 第八层系抹茶蛋糕， 蛋糕上面个银色波系空心白朱古力波。 非常喜欢这个蛋糕   另外叫咗茉莉朱古力蛋糕， 朱古力香浓幼滑，最入面有茉莉花味嘅Cream，帮朱古力味带出清香嘅口感。食完饼享受紧Rooibus红茶之际，突然被告知三点要交枱俾下一场嘅High Tea食客  ， 唔好阻住人快手饮埋杯茶就走。 出门口时见到有条过百人长龙排队， 场面墟冚，下次都嚟试下先。