Glasshouse (太古城中心)

营业中

休息中

食咗个$298的tea set，估唔到都几精致㖞！第一层有龙虾沙律，三文鱼卷同埋鹅肝多士，有啲估唔到，虽然细细旧，都几好食。第二层有炸虾生菜卷，焗蔬菜挞，迷你牛肉汉堡同炸虾。佢呢度系做东南亚菜，所以个牛肉汉堡有啲姜味，估唔到都几惊喜㖞。第三层系甜点，朱古力brownie正常味，士多啤梨mousse cake同奶冻都系椰子味嘅，𠮶啲蜜糖珠珠有阵香味连埋椰子奶冻食都几特别，但奶冻太实，口感差咗少少。蓝色𠮶旧估唔到系绿茶蛋糕，呢个淡口番少少都几好食。马卡龙系焦糖同另一旧疑似cream味，正常发挥。整体甜点偏甜，所以要提早叫定咖啡/茶，边饮边食比较好。咖啡都好饮，有层crema，好香。热茶系breakfast tea。下午茶时间冇乜人，很清静，就算叫杯嘢饮倾吓偈都唔错，肯定舒服过Starbucks或者Pacific Coffee。我哋响Openrice app预先订位，仲有七折，超抵！我哋都系即兴去食，所以都系半个钟前订咋，方便。