影片
更多
2024-10-11
1335 浏览
约咗几年都约唔到齐人，决定无论几多人都好，点都要约一次出嚟。有人提议去返呢度，话佢重新开返，于是就决定旧地重游，地点决定咗，枱一早book好咗，终于成事我系最尾先join 呢个group嘅人, 佢哋一齐经历嘅嘢似乎比我多好多，有啲而家都仲做紧同事呢外表上大家都冇乜点变过，但系食量方面就大减咗好多啰。其实约食饭有啲人会觉得食唔系重点，但系见到你又食减肥药又话戒食淀粉令到本身想食多两啖都好似唔系几好意思咁 ，再加上我哋有一半人冇到，所以食嘅气氛似乎冇之前咁开心。佢哋有部份就跟返以前曾经嚟过叫过嘅菜式copy，例如有椒盐鲜鱿啦「呢个必叫嘅」，仲有粟米鱼肚羹、咸菜猪肚汤、肉丝炒面。今次新加嘅菜式就有菠萝咕噜肉（佢哋之前过咗嗌嘅会系西柠鸡，虽然都系酸酸甜甜）、瑶柱豆苗（以前年纪仲细点会嗌菜啊）同埋小炒王 （特别嘅小炒王，佢嘅鱿鱼唔系配菜，而系做咗主角，好似另外嗌咗半碟椒盐鲜鱿加咗落去咁）原先我系想食菠萝生炒骨多啲有啲骨选吓好过啖啖肉，不过嚟到都系变咗咕噜肉🤪全部嘢食，佢哋话同以前大致上都差唔多，可能冇之前咁浓味㖞。我都觉得几唔错，而且性价比高。装修咗嘅大排档，其实大致上都冇乜点改动 佢哋话系个厕
有人提议去返呢度，话佢重新开返，于是就决定旧地重游，地点决定咗，枱一早book好咗，终于成事
我系最尾先join 呢个group嘅人, 佢哋一齐经历嘅嘢似乎比我多好多，有啲而家都仲做紧同事呢
外表上大家都冇乜点变过，但系食量方面就大减咗好多啰。其实约食饭有啲人会觉得食唔系重点，但系见到你又食减肥药又话戒食淀粉令到本身想食多两啖都好似唔系几好意思咁 ，再加上我哋有一半人冇到，所以食嘅气氛似乎冇之前咁开心。
佢哋有部份就跟返以前曾经嚟过叫过嘅菜式copy，例如有椒盐鲜鱿啦「呢个必叫嘅」，仲有粟米鱼肚羹、咸菜猪肚汤、肉丝炒面。
今次新加嘅菜式就有菠萝咕噜肉（佢哋之前过咗嗌嘅会系西柠鸡，虽然都系酸酸甜甜）、瑶柱豆苗（以前年纪仲细点会嗌菜啊）同埋小炒王 （特别嘅小炒王，佢嘅鱿鱼唔系配菜，而系做咗主角，好似另外嗌咗半碟椒盐鲜鱿加咗落去咁）
原先我系想食菠萝生炒骨多啲有啲骨选吓好过啖啖肉，不过嚟到都系变咗咕噜肉🤪
全部嘢食，佢哋话同以前大致上都差唔多，可能冇之前咁浓味㖞。我都觉得几唔错，而且性价比高。装修咗嘅大排档，其实大致上都冇乜点改动 佢哋话系个厕所干净咗好多靓左好多啰
饮咗两支大啤，今日已经有少少头痛，真系老咗。
系个环境实在太嘈，完全倾唔到偈，如果解决到呢个问题就Perfect啦
张贴
