Rosé Home Kitchen (已搬遷) 新店位置

同男朋友行完188，见都夜夜地就谂住系附近食Ｄ野，但系我晏昼饮茶食到好饱无乜胃口，谂住食件cake就算，唔好意思净系叫一个set dinner＋＄２０转cake，本来想叫多个cake set($38)，俾男朋友阻止，我一脸不好意思，疑似老板娘见状即刻话唔紧要，完全无黑面，真系好好人！第一印象已经加足分！男朋友点的拿破仑意粉卖相一般，可能系因为我唔钟意食呢种意粉啦，佢本人话OK，我拣左一件蜂蜜蛋糕，size比普通cake shop细件，但系好好味！蛋糕够挺身，而且唔会太甜太腻，食得出系homemade，好满足呢！虽然坐得迫，但系服务态度好，味道好味，而且抵食，下次都会再来的哦！