松菱日本料理

营业中

休息中

Honey 今日生日，我就拣咗间未试过又冇喊面嘅餐厅，应该信得过啦。呢度环境几舒服，服务态度唔错，第一个印象都几好。睇吓 Lunch Menu 先，铁板烧有三个 choices，我哋拣了两个 竹 Set ($190)，有Salad、 miso soup、一个要虾，一个要带子，其他仲有鱼、牛柳、炒饭和炒芽菜。 首先黎个 Salad配芝麻 dressing，菜很新鲜又爽脆，唔错㖞，有个好开始。 三文鱼 - 烧得太老，都几嚡㖞，味道一般啫，又令我念起肥美嘅银鳕鱼嘞。 大虾 - 有鲜味又爽口，正！ 带子 - 唔错，都几甜，可惜裙边就太靭嘞。 牛柳 - 我哋要medium rare，但就烧得老咗，好彩都几淋㖞，蒜片也很香脆，一齐食，真喺几好味。蒜片要记一功。 炒饭 - 够干身，有水准，配上大量蛋和葱花，好好味呀。 炒芽菜 - 这个也好味，很重嘅 pepper 味，芽菜又爽。餐后waitress请我哋坐在另一张枱，然后送上甜品，绿茶雪糕几好味。