妹記大排檔

营业中

休息中

今日就难得约左啲旧朋友聚会听闻妹记都几多人食过，就一于去试下。咁好好彩，我地（3个人）都系等左5，6分钟就入得，听讲佢既猪手同墨鱼嘴出名，我地就决定左叫黎食。先讲佢既苏炸猪手，咁我平时就唔中意食猪手既，因为佢有一阵猪稣味，咁好难得妹记既猪手冇猪稣味，同埋佢既皮真系好脆，好香口，但就肥左小小，咁猪手肥又系好正常既事，佢啲肉就咸味适中，配埋甜酸酱送饭又几好食。之后咁讲下佢既椒盐墨鱼嘴啦，佢既椒盐墨鱼嘴又几脆口，入面既墨鱼嘴都仲系爽口，但唔叫饭就咁食既话，真系咸左啲我地仲叫左飞天通菜同埋薯仔牛柳粒。咁飞天通菜系食既有啲获气既，但又冇想像中咁好食，但又唔系话好差，只系平平无奇，送饭黎讲都仲算ok。而佢既薯仔牛柳粒，我就真系唔识讲，薯仔就唔够脆身，咁平时食开大排档叫呢味菜，都系薯仔脆身香口，牛柳就只系装饰，咁呢度既牛柳都系真系装饰黎，虽然份量唔小，但就唔算难食，但又唔系好食。系妹记叫啤酒就真系好有特色，佢会配返个战斗碗你饮，感觉好有古时男人饮酒果种豪迈感觉。