海港酒家 (已結業)

海港可以话系多间酒楼中至抵食架啦！虽然服务认真麻麻，酒楼又嘈又多人，但胜在价钱实惠，坐下食餐饭都几唔错。海南椰子鸡锅四人餐虽然我地只有三人，但都点四人餐啦！都系一人百几姐，有齐11款食物兼有饮品。椰子锅真有几条椰子，算唔错。汤底系椰子水，几清甜。有成只鸡！鸡都算大只啦，绝对唔系无肉食果种。三个人食其实有点多。食剩好多旧呀。四人就应该岩岩好。鸡肉加入椰子汤底入面煮，鸡肉都有清香嘅椰子味，都几正，别有一番风味。手切安格斯肥牛都几大片，牛肉味都几浓郁。而且，肉质都算几嫩滑。西班牙黑豚肉煮耐左都唔会鞋，算厚切。松露墨鱼丸好香嘅松露味道，咬落去果下香味特别重。鱼丸好弹牙，仲有粒粒墨鱼肉。黑蒜豚肉丸黑蒜嘅味道唔算太重，反而猪肉味劲啲，算系唔错啦。