BLT Burger (已結業)

同朋友去食lunch而朋友表示想食burger咁就揾咗海港城嘅BLT Burger,之前成日行过都见好多人排队，应该都好食嘅。平日晏就去唔使排队但都大约坐满咗6,7成枱。餐厅冇set lunch，要单点burger或者嗌佢嘅combo。combo得3款 classic burger, BLT burger同和牛burger。combo就跟咗薯条同饮品。同朋友嗌咗一个classic burger combo同一个BLT burger combo，分别跟薯格同粗条，再加钱将个饮品变做milkshake。先讲讲个包，好大个！一上枱吓亲，好厚好大个，完全无从入口😂个汉堡扒要咗5成熟，但都少少干。BLT burger入面冇酸瓜所以就另外配咗半条喺侧边，如果唔食记得提佢走瓜。burger仲配咗一小兜椰菜沙律。粗薯条好够份量，食到好饱，但觉得唔够脆，薯格会好食啲。2杯milkshake 都好甜，cookies and cream𠮶杯仲有啲咖啡味。