影片
更多
2021-08-04
6264 浏览
系好几间酒店当中，拣左呢间北角既新酒店Hyatt Centric黎个暑假Staycation，贪Hyatt Centric够新又够平。$1,216包一晚海景客房（唔系最低级既房），The Farmhouse 自助早餐同自助午餐，算抵玩。不过唔知点解book完过几日就减价。经过寻日超赶既自助午餐体验之后，第二朝又系The Farmhouse 食自助早餐！限时一个钟，无需预约可以walk-in。我地8:10到就基本上唔洗等，走个阵就见到一条超长人龙吓死人！一齐睇下有咩食啦！一入门口就见到糕点面包区，有个样好吸引既甜甜圈，有四款口味，分别系红色，粉红色，朱古力，同朱古力加坚果碎。我食左个粉红色同朱古力加坚果碎，味道唔算惊艳但系都合格，如果入面多d酱就更好。其他糕点面包有牛角包，朱古力酥，芝士丹麦酥，吉士丹麦酥，蓝莓松饼，牛油软包，芝麻包，白面包，麦包。我食左个吉士丹麦酥，入面又系唔够吉士酱，酥皮都比唔上其他五星级酒店如香格里拉，港丽等。中式包有菠萝包同鸡尾包，不过卖相唔多吸引，味道好似ok。隔离有多士炉比你自己烘面包。再隔离有花生酱，朱古力酱，果酱同牛油比你自助，不过就唔多卫生。糕点面包区右
经过寻日超赶既自助午餐体验之后，第二朝又系The Farmhouse 食自助早餐！限时一个钟，无需预约可以walk-in。我地8:10到就基本上唔洗等，走个阵就见到一条超长人龙吓死人！一齐睇下有咩食啦！
糕点面包区
53 浏览
0 赞好
0 留言
一入门口就见到糕点面包区，有个样好吸引既甜甜圈，有四款口味，分别系红色，粉红色，朱古力，同朱古力加坚果碎。我食左个粉红色同朱古力加坚果碎，味道唔算惊艳但系都合格，如果入面多d酱就更好。
甜甜圈，牛角包，朱古力酥
56 浏览
0 赞好
0 留言
其他糕点面包有牛角包，朱古力酥，芝士丹麦酥，吉士丹麦酥，蓝莓松饼，牛油软包，芝麻包，白面包，麦包。
我食左个吉士丹麦酥，入面又系唔够吉士酱，酥皮都比唔上其他五星级酒店如香格里拉，港丽等。中式包有菠萝包同鸡尾包，不过卖相唔多吸引，味道好似ok。
隔离有多士炉比你自己烘面包。再隔离有花生酱，朱古力酱，果酱同牛油比你自助，不过就唔多卫生。
糕点面包区右手面就系苹果汁，橙汁，同豆奶。系谷物早餐隔离仲有鲜奶同脱脂奶。
谷物早餐有脆麸条，可可米，米通，同玉米片四款。
椰菜花沙律，Brie，瓜子，果干
50 浏览
0 赞好
0 留言
最欣赏谷物早餐隔离既好多唔同种类既坚果，瓜子，同果干，我加左好多瓜子落乳酪度食！
乳酪
51 浏览
0 赞好
0 留言
乳酪有明治包装乳酪同一大兜既乳酪。
明治包装乳酪有杂莓，士多啤梨同芒果味。明治包装乳酪都颇为稀，麻麻地。一大兜既乳酪有原味同士多啤梨乳酪。隔离仲有冻燕麦片，我试左少少，都系太稀。
乳酪对面有冻肉，冻肉有三款，分别系Mushroom Sausage，Salami，同Pastrami。点解连烟三文鱼都无？！
比较特别系有Coppa Ham Panini，不过我无试。
沙律，芝士
34 浏览
0 赞好
0 留言
隔离有四款捞好既沙律，分别系希腊沙律，甘笋椰菜丝沙律，椰菜花沙律，同薯仔沙律。我试左椰菜花沙律，正常。芝士有三款，分别系Emmental，Cheddar，同Brie。我最爱既Brie系可以既！芝士隔离有果干。
水果，沙律
35 浏览
0 赞好
0 留言
沙律
55 浏览
0 赞好
0 留言
再隔离就系水果同沙律。
水果
34 浏览
0 赞好
0 留言
水果有蜜瓜，西瓜同菠萝切旧，质素正常。沙律菜有三款，唔算多。另外都有车厘茄同灯笼椒丝，最欣赏呢度有橙色车厘茄食，好鲜甜！呢度啲冻肉，沙律，水果，同芝士用玻璃柜装住其实就卫生啲既，不过麻烦嘅地方系一边有人攞紧野食，另一边个柜嘅柜门就一定要拉埋所以其他人就攞唔到野食，结果系等等等同等。
呢度都有咖啡机，要排长龙。
餐厅既另外一面热食区就系中西式热食早餐。
焗豆，猪肉肠，班戟，面包布丁
34 浏览
0 赞好
0 留言
西式早餐就有大路既烟肉，炸薯饼，杂菜，车厘茄，炒蛋，水煮蛋，太阳蛋，焗豆，猪肉肠，班戟，同面包布丁。
牛肉烧卖，冬菇猪肉烧卖，面包布丁，猪肉肠，烟肉
42 浏览
0 赞好
0 留言
炸薯饼，杂菜，车厘茄，班戟同猪肉肠正常，面包布丁几好味道。
奄列
44 浏览
0 赞好
0 留言
奄列有两个站帮手分人流，配料有芝士，蘑菇，杂椒，洋葱，同火腿。
班戟，炸薯饼，车厘茄，奄列
31 浏览
0 赞好
0 留言
我见无人就叫左一份试试。芝士落唔够，无我上次系Cafe Too食既好味。
中式早餐选择就非常非常少，有猪肉炒饭，杂菜炒面，粟米鸡粥，白粥。
系个热食区既另外一面就有蒸肠粉。蒸肠粉隔离系有日式咖喱（只系见到蔬菜），日式珍珠米，同味噌汤。
中式点心
42 浏览
0 赞好
0 留言
中式点心有四款，分别系牛肉烧卖，冬菇猪肉烧卖，叉烧包同莲蓉包。
其实见到都唔太想试，奈何其他热野都无野好食。点心质素好差，牛肉烧卖同冬菇猪肉烧卖都系成旧粉，完全唔觉有肉或者菇，莲蓉包既莲蓉少得可怜。差差差！
粉面档
29 浏览
0 赞好
0 留言
牛丸，猪肉丸，墨鱼丸，生菜
27 浏览
0 赞好
0 留言
粉面档比午餐少左选择，不过面多左公仔面拣，汤底就只系得清汤。配料无左鲜虾同鸡蛋，得牛丸，猪肉丸同墨鱼丸。菜就得白菜同生菜 。
今次得一个钟食，时间上勉强够，因为都无太多野好食，想食d好d既肉都无，求其食饱就算。老老实实，差唔多价钱，我觉得Cafe Kool绝对系好太多！无论食物选择，质素同无限时都完胜！当然呢度有其他野好d（例如泳池），不过就唔关餐厅事lu。
张贴
