Are U Labeler

营业中

休息中

平日经过何文田，都发现𠮶个位置有好几间Cafe，今次同朋友就拣咗are u labeller ，因为个店名好有趣，同埋装修得比其他有心机。同朋友各自叫咗一个主食同小食。令我特别印象深刻嘅系朋友𠮶个泰阴功risotto（$108）入面有好多海鲜例如带子、鱿鱼、虾等等。味道酸酸辣辣，真系好有冬阴功嘅风味，不过我唔食得辣就觉得有啲太辣，如果酸味重返啲，我谂唔食得辣嘅人都可以食晒成碟，而我朋友食得辣佢就觉得非常惹味。另外就系小食，双重芝士鸡翼（$58），两种芝士味加埋令到味道非常浓郁，芝士都落得好足够，每一只鸡翼都有好多芝士系上面，仲可以拉丝。我谂可能仲加咗少少沙律酱，芝士嘅咸味加埋沙律酱嘅甜酸味非常夹，鸡翼都仲有啲肉汁，唔会太老。不过食完我都唔明白点解店名叫are you labeller。