i CREMERiA (已結業)

今日饭后甜品豪一豪，去左i CREMERiA食日本直送水果芭菲，舖头外面有几张枱可以坐低食。日本直送蜜瓜芭菲 $108雪糕可以拣源自京都宇治抹茶雪糕，北海道牛奶雪糕，或者扭纹，我哋拣左扭纹，不过牛奶雪糕比抹茶雪糕份量多。牛奶雪糕好厚身同滑溜，不过就算我唔系自己独享都觉腻。蜜瓜共有一片同三旧，多汁不过甜味完全俾雪糕盖过，好浪费。芭菲杯中间有脆米，系脆嘅，不过就冇其他料，斋左啲㖞。日本直送完熟白桃芭菲 $108白桃有四片，非常多汁香甜，就算同雪糕一齐食都觉甜。呢个芭菲杯除左脆米，就多左啲芒果粒喺底，同白桃果酱系面（虽然味道唔出），咁都好少少。总括而言，一个字，贵，将日本直送水果同雪糕加埋一齐食，浪费左啲水果。而芭菲杯嘅料太少。