阿來東南亞風味 (已結業)

今晚真的热到爆，决定食泰菜，贪佢够凉快吖嘛。唔想烦，当然叫餐最实际。二人餐有三个选择，唔同价位，有不同配搭，定价都几合理。我地叫左二人餐 B ，盛惠 $248。主菜二选一，分别系猪脾或海南鸡，望望隔离的卤猪脾 ，例牌得来都几大碟，就佢啦！猪脾肉够软，猪皮同猪肉都展现完美的 balance 。一啖咬佢，好入味加上唔油腻，招牌菜冇误。套餐可选白饭及油饭，俾大家多个选择。猪脾下层仲有好多菜，索囇D卤水汁真系几和味。伴碟仲有酸菜及卤水蛋，有诚意的。泰式生虾刺身估唔到小舖都食到生虾刺身，size 够大只，而且爽肉。冰镇上的生虾，见到都觉得透心凉。点吓旁边配的青辣酱，辣到跳舞，十分过瘾。泰式肉碎生菜包生菜包，抵食交大份。生菜够新鲜而且洗得劲干净，抵赞生菜包唔辣，呢到失左少少分数，唯有自己加辣加调味。咸柠七 & 青柠梳打大大杯，足料又多冰，啱晒炎炎夏日慢慢叹。装修几亲民，爆场气氛热闹，除左港人，仲有不少外国客支持 整体来说各方面都不错，又抵食，会再来。