3 Italiani (已結業)

番左成日工好攰嫁嘛，就去同同事食甜品。本身就已经超爱食gelato，谂起之前去意大利旅行既时候日日食两球就开心所以就拣左食gelato。以gelato黎讲3种味$75 真系算平，又可以试多啲味。佢都几多味拣，至少有20种。左: kinder朱古力 牛奶加朱古力碎 开心果中: 白朱古力 芒果 牛奶右: 抹茶 朱古力雪芭 tiramisu只只都好好味，味道好出好浓。其实牛奶同牛奶加朱古力碎系一样味，只系有碎定冇碎。特别想讲下三只味，分别系开心果，抹茶同朱古力雪芭。开心果味真系好似食紧开心果咁，味好出，唔似其他好淡咁。抹茶又系好正，日本有分好多浓度既抹茶雪糕嫁嘛，佢呢只系普通抹茶味个种浓到，个个都岩食。如果你同我一样系朱古力控的话，就一定要试下朱古力雪芭。佢唔系真系雪芭既质地。你睇只色咁深色就知，佢唔系50几%个种甜度，我觉得系至少75%以上，超浓但又唔苦。而且佢净系朱古力味都有好多种，有oreo，榛子朱古力，橙味朱古力等，最特别仲有芥末朱古力。其实好多味想食，大家买之前可以叫职员俾少少你试下先，试岩再买。