HOOMAN

营业中

休息中

收到风，呢间人气chill cafe系九龙塘开咗舖头，所以都即刻约埋朋友一齐嚟食！呢到虽然西九𠮶边咁正嘅风景，但系始终位于大型商场入面，所以对一般人嚟讲更加方便，而且呢间亦都推出咗一啲新嘅产品，成品全部都劲靓，好IGable～呢间分店嘅热狗有两款，有一款系Pizza inspired，另外一款就系日本玉子烧加樱花虾。我个人觉得樱花虾𠮶个更加惹味，当然因为佢落咗好多Mayo～～～不过令一众小朋友同少女兴奋嘅，应该就系佢个自选雪糕三文治，可以自己拣曲奇，雪糕口味再加埋装饰物，真系自己钟意食咩都得，我觉得佢哋个朱古力曲奇同Red Velvet都好好味，雪糕就比sorbert结实好多，但系两个都劲好食！ 呢度嘅饮品都绝对冇马虎，全部都系用嚟打卡一流，个人觉得guava tea最好饮。