Via Quadronno (已結業)

好耐未去过ｉｆｃ，如果冇记错，对上一次应该系两年前既圣诞，跟ｃｈｏｉｒ黎表演。呢次，当然系同男朋友黎啦。要左个意大利饭，千层肉酱面，软心朱古力蛋榚同ｖｑ　ｔｉｒａｍｉｓｕ。意大利饭（唔记得个名）：饭粒粒分明，有咬口，白汁好浓，混入芝士，味道更香，菜亦新鲜，有少许菜青味，配合埋火腿，好食，侍应知我地ｓｈａｒｅ食，已经帮我地分好两碟。千层肉酱面：层与层之间既馅料好足，牛肉碎又多又新鲜，加上蕃茄同菇类，里面同面两旁都有大量芝士，切时唔会太易散开，几好。软心朱古力蛋榚：蛋糕质地略嫌薄，但味道系好既，朱古力酱流左好多出黎，好钟意配合埋雪糕一冷一热既感觉，旁边用朱古力整出黎既装饰亦值得一赞。ｖｑ　ｔｉｒａｍｉｓｕ：好特别，用ｌａｄｙ　ｆｉｎｇｅｒ点完ｅｘｐｒｅｓｓｏ再点ｔｉｒａｍｉｓｕ黎食。ｔｉｒａｍｉｓｕ质地真系超滑，不过最后都系唔惯ｅｘｐｒｅｓｓｏ太苦，冇点埋一齐食。