Isola Bar & Grill (已結業)

今日嚟咗IFC一间食意大利菜嘅餐厅，有Semi-buffet，望落环境唔错，食物款式都算多。睇完餐牌就叫咗buffet连主菜。叫咗姜汁照烧鳕鱼同埋香煎和牛。先讲沙律吧，款式都几多，芝士有唔同种类，仲有唔同coldcut、parma ham、哈密瓜唔陌生，仲有各式各样嘅沙律同埋前菜通粉，亦有生蚝等冻海鲜，不过甜品选择就比较少。呢度嘅烟三文鱼好好食，烟熏味好特别，好香，唔似平时出面食开𠮶啲。parma ham唔会死咸，配埋哈密瓜绝配！呢度嘅熟食区烧牛估唔到出奇地好食！原本以为会比较干同埋韧，但系呢度嘅牛味几浓，而且一啲都唔韧，值得推介！呢度嘅生蚝都系任食，唔使担心好多人争，因为冇乜人排队！海水味都几重。呢度采取半开放厨房，主食味道一啲都唔失礼！和牛煎得好香，面头少少焦脆，入边5成熟，多肉汁，出色！姜汁照烧鳕鱼，原本以为姜汁味好重会唔夹，但原来唔系，感觉似西京烧做法，甜甜地，鱼肉嫩滑。