影片
更多
2021-06-03
8690 浏览
偶尔会喺社交平台上都会见到此店踪影，无论食物定地方都好IG-able。某日居然喺订座app见到，折扣甚为吸引，即刻订台试下。店家装潢的确花过唔少心思，经门口先行入一条樱花隧道，右手边系一大个bar area，中间一大片主餐区，卡位拱型设计，大抵系限聚关系，台櫈都排得密密麻麻，比较有压逼感。海洋鲜奶 $42见个名咁梦幻就叫嚟试下，杯嘢粉蓝色好有少女心，心型拉花工整漂亮；第一次饮白朱古力奶，系同想像中同一个味道，唔算好喜欢。泰式青木瓜沙律 $98沙律配料有青木瓜、花生、虾米仔，捞埋鱼露调成嘅酱汁，咸咸甜甜，清新开胃。芒果虾肉米纸卷 $88平时食开嘅米纸卷多数用熟虾制成，依度用生虾几特别。米纸卷包住青瓜、芒果、虾同少少蔬菜，绿色嘅香辣酱汁系依味嘅灵魂，细细件容易食。珍珠蚝蛋饼 $88蚝饼大大份，蛋炸得酥脆甘香，蚝仔份量多，虽有少少油腻但好香口，忍唔住狂食。冬阴公烟三文鱼温泉蛋猫耳朵 $168嚟到见到只蛋系烚蛋咁款呆一呆，切开顶尽只可以叫溏心蛋(流心都唔系！)，令人有期望有落差。好彩猫耳朵粉烟韧，兜住少少冬阴公汁，香浓惹味。享用订座优惠每人需要点一杯饮品，整体质素不俗，如果正价就觉得
店家装潢的确花过唔少心思，经门口先行入一条樱花隧道，右手边系一大个bar area，中间一大片主餐区，卡位拱型设计，大抵系限聚关系，台櫈都排得密密麻麻，比较有压逼感。
海洋鲜奶 $42见个名咁梦幻就叫嚟试下，杯嘢粉蓝色好有少女心，心型拉花工整漂亮；第一次饮白朱古力奶，系同想像中同一个味道，唔算好喜欢。
泰式青木瓜沙律 $98沙律配料有青木瓜、花生、虾米仔，捞埋鱼露调成嘅酱汁，咸咸甜甜，清新开胃。
芒果虾肉米纸卷 $88平时食开嘅米纸卷多数用熟虾制成，依度用生虾几特别。米纸卷包住青瓜、芒果、虾同少少蔬菜，绿色嘅香辣酱汁系依味嘅灵魂，细细件容易食。
珍珠蚝蛋饼 $88蚝饼大大份，蛋炸得酥脆甘香，蚝仔份量多，虽有少少油腻但好香口，忍唔住狂食。
冬阴公烟三文鱼温泉蛋猫耳朵 $168嚟到见到只蛋系烚蛋咁款呆一呆，切开顶尽只可以叫溏心蛋(流心都唔系！)，令人有期望有落差。好彩猫耳朵粉烟韧，兜住少少冬阴公汁，香浓惹味。
享用订座优惠每人需要点一杯饮品，整体质素不俗，如果正价就觉得有少少太进取，有机会会再嚟。
张贴
