I Leisure (已結業)

今日同朋友去咗I Leisure食嘢，听朋友讲，呢间系一间新开嘅楼上酒吧，但呢间酒吧都有主食供应，环境仲唔错。六点几同朋友上到去咁啱可以坐到特色鸟笼，通常啲人都系夜晚先会想去食嘢加饮酒，所以咁好彩俾我地坐到呢个打卡位。🥢特色海鲜摇盘呢个海鲜拼盘系一个Shake shake袋，店员会喺我哋面前将海鲜袋摇匀，净系食海鲜已经好饱，份量超大份，两个人食绝对足够。我哋叫咗微辣，但我朋友唔嗜辣，所以有少少太辣😂但好惹味。shake shake 海鲜用的酱汁系餐厅独创的马来西亚特色辣汁！🥢龙虾包因为挂住食海鲜，龙虾包同薯条比较迟先食，虽然有少少冻咗，但薯条一样咁脆。至于龙虾包入面好足料龙虾肉同沙律爆晒出嚟，完全系大满足。🥢火焰鸡翼呢份鸡翼有八只，我同朋友每人可以食四只。一上碟嘅时候，店员会加玫瑰露酒喺上面然后再用火烧，完全系全晚另外一个最值得打卡嘅位。鸡翼有好浓嘅玫瑰露酒味，好香好好食。🥢I Leisure (尖沙咀)尖沙咀北京道65至69号环球商业大厦12楼