Sole Coffee (已結業)

朋友见我钟意焦糖，特意推介呢度嘅latte😽· 慢煮美国PRIME级下肩胛翼板肉三文治 / $138个名好长🤣配粗直薯条，薯条份量好多，外脆内软，钟意呢度三文治用ciabatta，软身得嚟带少许韧度，牛肉嘅热力令到面包上面嘅牛油香散发出嚟，好香，食嘅时候啖啖肉，唔会食到一半就冇晒肉🥹酱汁我都好钟意，连埋番茄同菜食好fresh。· All Day Breakfast / $98有小插曲，本身同朋友拣好咗食意粉，我负责落单（要先去点餐处落单比钱），食物嚟到先发现我叫错咗All Day Breakfast😂😂讲返食物，沙律菜配蓝莓冇咁单调，食材新鲜，烟肉唔会煎得干身，不过poached egg有小小鞋身🤔荷兰酱较淡味，除咗呢样其他都几好，多士都烘得刚好，够软熟。Crunchy Caramel Latte / $45(cold) $40(hot)牛奶咖啡平时都系饮热居多，但呢几日实在又焗又热，要饮冻嘢平衡，冻嘅Latte原来好好饮，奶泡打得又高又多，啲冰融咗之后都唔会成杯咖啡变得好水，焦糖脆脆加分🥹p.s.朋友𠮶杯都系一样但系热嘅。