影片
更多
2017-12-03
38 浏览
今日嚟到蓝屋一带闲逛，见到呢间餐厅都几有风味，加上见到佢哋个餐牌竟然系西班牙嘅 fushion 菜，即刻入去试下先。餐前嘅小食系法式面包，面包上面布满香草，最啜核嘅系个黑醋汁上面竟然有一大 pat 嘅蒜泥，从来食面包点油醋汁就试得多，有埋蒜泥嘅感觉真系完全唔同，蒜泥加醋，真系绝配。Caesar salad，呢个凯撒沙律用到原条嘅罗马生菜，令卖相更加齐整，加埋烟三文鱼嘅咸香，同罗马生菜相辅相承，特别钟意佢周边有少少辣粉，令平凡嘅凯撒沙律变得不平凡。Golden chicken wing，呢个黄金鸡翼有少少似大排档嘅避风塘小炒，不过呢度仲多咗香草嚟到做调味，令到成件事更加有 fushion 嘅感觉；鸡翼爆得脆身，加埋包围住佢嘅咸蛋黄都无整到个皮唔脆，值得一赞，鸡翼中间被破开成为单骨鸡翼，令食嘅时候更加方便。Truffle fries，经典嘅黑松露薯条，薯条被密麻麻嘅黑松露所包围，每一条都炸得金黄酥脆，特别钟意佢面头一片片嘅parmesan cheese，同阵黑松露味好夹。Grilled game hen，走地鸡被煎皮拆骨，食嘅时候啖啖肉，认真畅快；左上角既系流心嘅鹌鹑蛋，连鹌鹑蛋都做到流心
今日嚟到蓝屋一带闲逛，见到呢间餐厅都几有风味，加上见到佢哋个餐牌竟然系西班牙嘅 fushion 菜，即刻入去试下先。
餐前嘅小食系法式面包，面包上面布满香草，最啜核嘅系个黑醋汁上面竟然有一大 pat 嘅蒜泥，从来食面包点油醋汁就试得多，有埋蒜泥嘅感觉真系完全唔同，蒜泥加醋，真系绝配。
Caesar salad，呢个凯撒沙律用到原条嘅罗马生菜，令卖相更加齐整，加埋烟三文鱼嘅咸香，同罗马生菜相辅相承，特别钟意佢周边有少少辣粉，令平凡嘅凯撒沙律变得不平凡。
Golden chicken wing，呢个黄金鸡翼有少少似大排档嘅避风塘小炒，不过呢度仲多咗香草嚟到做调味，令到成件事更加有 fushion 嘅感觉；鸡翼爆得脆身，加埋包围住佢嘅咸蛋黄都无整到个皮唔脆，值得一赞，鸡翼中间被破开成为单骨鸡翼，令食嘅时候更加方便。
Truffle fries，经典嘅黑松露薯条，薯条被密麻麻嘅黑松露所包围，每一条都炸得金黄酥脆，特别钟意佢面头一片片嘅parmesan cheese，同阵黑松露味好夹。
Grilled game hen，走地鸡被煎皮拆骨，食嘅时候啖啖肉，认真畅快；左上角既系流心嘅鹌鹑蛋，连鹌鹑蛋都做到流心，真系第一次试，鹌鹑蛋底下紫色嘅系紫薯蓉，厨师将芝士加埋落薯蓉入面，芝士同薯蓉原来系出奇咁夹，有创意我钟意。
Sangria，呢杯 Sangria 颜色咁梦幻，原来系源自于一个美丽嘅巧合，话说有日厨师想整杯Sangria嘅时候，咁桥用哂啲红酒，咁佢就尝试用其它鸡尾酒去调配，点知好饮之余出嚟嘅卖相仲好靓添，就系咁样成就咗呢一杯咁梦幻嘅Sangria喇。
张贴
