影片
更多
2025-03-04
94 浏览
iza’bis Semi-lunch buffet上月中陪老婆行街，有一张买一送一嘅特惠券就要到期，所以专登揸车去铜锣湾食下午饭。之前都嚟过呢间餐厅食过几次饭，虽然价钱唔算平，食物都算可以，而且仲有泊车优惠，可以悭埋泊车费。蘑菇忌廉汤有浓郁蘑菇味道兼入口够creamy，做得几好饮，只差蘑菇嘅香气较为薄弱。火腿薯仔沙律薯蓉入口软绵绵，火腿清淡少咸，冻薯仔沙律口感特别可爱。杂菜果仁沙律果仁同干果配搭恰当，新鲜蔬果爽脆，酱汁味带微酸，配料配合恰到好处，好食兼口感十足。冷盘烧牛肉火腿鸡肉烧牛肉质地OK，火腿同埋鸡肉比较干身，而西班牙火腿比较好，油脂软滑香口而且唔系太咸，可以食多几片。House Wine 红酒闻起木桶味重，厚重带轻微果酸，酒味于口腔中亦较为长久，同芝士一齐更加合拍。猪扒Sausage炸薯条猪扒煎得好靓仔，唔会油腻肥腾腾，肉质略干身嚡口，好彩仍然够松软，而猪肉味淡，应该系雪猪扒。配用烧汁可以弥补缺陷。Frankfurter香肠质素一般般，超级市场随便可以买到。薯条用新鲜薯仔做，松化好食不过不失。黑松露蘑菇Risotto 黑松露香气稍为淡薄，蘑菇味道亦淡淡，risotto够Crea
上月中陪老婆行街，有一张买一送一嘅特惠券就要到期，所以专登揸车去铜锣湾食下午饭。之前都嚟过呢间餐厅食过几次饭，虽然价钱唔算平，食物都算可以，而且仲有泊车优惠，可以悭埋泊车费。
蘑菇忌廉汤
有浓郁蘑菇味道兼入口够creamy，做得几好饮，只差蘑菇嘅香气较为薄弱。
火腿薯仔沙律
薯蓉入口软绵绵，火腿清淡少咸，冻薯仔沙律口感特别可爱。
杂菜果仁沙律
果仁同干果配搭恰当，新鲜蔬果爽脆，酱汁味带微酸，配料配合恰到好处，好食兼口感十足。
冷盘烧牛肉火腿鸡肉
烧牛肉质地OK，火腿同埋鸡肉比较干身，而西班牙火腿比较好，油脂软滑香口而且唔系太咸，可以食多几片。
House Wine 红酒
闻起木桶味重，厚重带轻微果酸，酒味于口腔中亦较为长久，同芝士一齐更加合拍。
猪扒Sausage炸薯条
猪扒煎得好靓仔，唔会油腻肥腾腾，肉质略干身嚡口，好彩仍然够松软，而猪肉味淡，应该系雪猪扒。配用烧汁可以弥补缺陷。Frankfurter香肠质素一般般，超级市场随便可以买到。薯条用新鲜薯仔做，松化好食不过不失。
黑松露蘑菇Risotto
黑松露香气稍为淡薄，蘑菇味道亦淡淡，risotto够Creamy。可惜饭粒煮得过腍过熟，无咗𠮶种咬口嘅特色。
姜汁豆腐花
同场仲加演姜汁豆腐花，有豆味，姜汁味较淡而甜味重，豆腐花算滑口但有啲实净。
Latte咖啡
咖啡香气十足，而味道浓郁美味冇苦涩及酸，略为少少嚡口，系一杯好有诚意嘅咖啡。
餐厅摆位及空间宽敞，而餐具和环境干净清洁，侍应服务勤快有礼貌，但有一位较为木口木面。
张贴
