一起果醬 (已結業)

朋友想喺尖沙咀附近食饭，推介左呢间餐厅，见佢以果酱做主题几特别，又去食下先。炸薯角薯角炸得表面金黄色，咬落香脆可口，点埋果酱食一流！猪肋骨肋骨焗得啱啱好，点果酱食系有另一番风味嘅，伴菜都有炸薯角，同之前一样咁好食，不过如果早知呢度菜有薯角伴碟，小食会叫其他。海鲜饭个饭湿度掌握得几好，唔会太湿，味道调味都刚好，唔会太浓烈,海鲜好新鲜而且份量比想像中多。九宫格呢度菜有九种不同嘅jam, 厚切面包有烘底，焗得啱啱好，食落脆脆地，再配合唔同口味嘅jam,真心好钟意❤️饮品我叫咗果酱沙冰，有得拣jam口味,拣咗 berries，饮落去有浓厚嘅果香，而且口感好滑。餐厅用jam做主题非常有特色，估唔到果酱同咁多食物都可以配合得咁天衣无缝。最后食完埋单人均唔使$200，下次有gathering出去食都会考虑呢间。