影片
更多
2018-08-08
874 浏览
Jam作为一个动词嘅话，我会理解咗jam歌嘅意思，但系呢间舖面名上面，佢系解果酱，一间以果酱做卖点，除咗甜品面包会用到果酱之外，连主菜都会用到！ Let's Jam😋佢离佐敦站只系几分钟路程，位置于山林道附近，个边其实都有好多美食，而佢就靠果酱嚟突围而出啦餐厅有室内同室外位置，当时平日七点左右去到已经有五六枱客食紧，除咗朋友聚会之外，亦见到有妈妈带埋bb仔嚟食果酱方面佢提供好多选择，有玫瑰苹果、肉桂苹果、桂花雪梨、丁香香橙、蛋黄菠萝、木瓜雪耳、热带风情等等。除咗煮落嘢食之外，仲可以俾人买果酱番屋企😛 最特别系见到menu上无嘅榴连味！🥘龙虾汁海鲜意大利饭份量足够俾一个男人食，上面有青口、虾、带子、鱿鱼等等嘅海鲜，非常足料！饭粒有咬劲，成个饭都充满住汁，但又唔会煮到好腍好水，黏黏地而且见到少少芝士丝，味道不错👍🏿🐔玫瑰苹果酱单骨鸡翼呢个酱唔系就咁点嘅，而系已经舖满哂鸡翼上面，单骨鸡翼本身就煎过嘅。个酱同鸡翼好match，甜甜地但唔会好腻或者漏，鸡翼外层keep住脆脆地，肉质嫩滑，连𥚃面嘅肉都有少少甜味🍄野菌忌廉汤味道几浓👍🏿 成个汤唔会好稀好似水咁，入面会食到蘑菇碎🍒果酱沙冰 杂莓呢款好
Jam作为一个动词嘅话，我会理解咗jam歌嘅意思，但系呢间舖面名上面，佢系解果酱，一间以果酱做卖点，除咗甜品面包会用到果酱之外，连主菜都会用到！ Let's Jam😋
佢离佐敦站只系几分钟路程，位置于山林道附近，个边其实都有好多美食，而佢就靠果酱嚟突围而出啦
餐厅有室内同室外位置，当时平日七点左右去到已经有五六枱客食紧，除咗朋友聚会之外，亦见到有妈妈带埋bb仔嚟食
果酱方面佢提供好多选择，有玫瑰苹果、肉桂苹果、桂花雪梨、丁香香橙、蛋黄菠萝、木瓜雪耳、热带风情等等。除咗煮落嘢食之外，仲可以俾人买果酱番屋企😛 最特别系见到menu上无嘅榴连味！
🥘龙虾汁海鲜意大利饭
份量足够俾一个男人食，上面有青口、虾、带子、鱿鱼等等嘅海鲜，非常足料！饭粒有咬劲，成个饭都充满住汁，但又唔会煮到好腍好水，黏黏地而且见到少少芝士丝，味道不错👍🏿
🐔玫瑰苹果酱单骨鸡翼
呢个酱唔系就咁点嘅，而系已经舖满哂鸡翼上面，单骨鸡翼本身就煎过嘅。个酱同鸡翼好match，甜甜地但唔会好腻或者漏，鸡翼外层keep住脆脆地，肉质嫩滑，连𥚃面嘅肉都有少少甜味
🍄野菌忌廉汤
味道几浓👍🏿 成个汤唔会好稀好似水咁，入面会食到蘑菇碎
🍒果酱沙冰 杂莓
呢款好钟意！ 只杂莓味系好啱一般人口味，生果味个种甜而唔系糖水个种甜，而且入面有好多果渣，绝对系用好多莓整出嚟👍🏿
🌹果酱奶昔 玫瑰苹果
感觉上呢款个玫瑰味会出过个苹果，个花嘅味道唔会只系闻先有，系会好浓烈连味觉都会感受到
🍓士多啤梨果酱烧猪肋骨 半份
一开始谂住叫一份，但店员提醒我一份嘅话就会系两条长过手掌嘅猪肋骨，最后转半份嘅决定系无错嘅🤣
猪肋骨本身已经有调味，但点埋士多啤梨果酱就更加正👍🏿 个果酱就好似浓缩咗好多士多啤梨咁，比较杰同厚身，点嚟食会有好劲嘅士多啤梨味。
肉质部份都煮得稍为腍身，所以容易拆骨同咬开，配埋少少嘅肥膏就perfect😋
🍺Crafted beers
朋友无酒不欢🙄 叫咗呢款系好重麦味嘅手工啤酒，个麦味完全遮盖住酒精味，喜欢麦味嘅朋友可以一战
感觉上呢间店舖著重食物质素之余，亦响应环保、惜食嘅概念，食物比人感觉较健康，而用品例如饮管亦唔系使用胶制嘅，我会推荐呢间比对生活品质有追求嘅人～
张贴
