Fuse Creations (已結業)

在中环Soho区嘅一间小铺，店内气氛几浪漫，食物真系fusion得几特别。头盘小食系焗鸡翼，整到成个串烧三兄弟嘅款，唔讲真系唔知系鸡翼，但系食落就好脆口，配上个小小饭团波波，好衬又得意。豚肉拉面，拉面系店内自家制，有诚意而面质又确实有啲唔同，猪骨汤底比较浓，豚肉好林。鸡肉拉面，煮落比较硬身，啱我口味，汤亦比较清又甜，鸡肉好滑。番茄酱鸡肉意粉，份量不算多，但味道好好。火腿(ham)加上沙律，配上姜葱蒜油嘅酱汁，个汁几特别。甜品系雪糕，都有啲特色，分别有海盐同酱油味。酱油味真系第一次食，最初都有啲惊，始终觉得酱油加到甜点上怪怪的，但试咗第一啖就觉得好过瘾，明明系食落系有种豉油味，但配上甜嘅雪糕又好似好得意咁。海盐味味雪糕之前都食过，咸咸地甜甜哋都算得意。