Joyful Dessert House (已結業)

岩岩同老板娘系铜锣湾出血完毕，老板娘指定要嚟骆克道呢间米芝莲甜品店食番个靓甜品兼休息下佢对脚。呢版啲芭菲相落几靓几梦幻，应该谋杀咗唔少女士有限的纤食配额。栗子系睇落又系几吸引。菜单内好多款都好吸引，今晚我就一于试下呢个车胎人推介嘅绿茶心太软伴雪糕$64蚊， 一set有三样，包括有绿茶心太软，绿茶雪糕同埋中间有杯红豆蓉。卖相一流。绿茶心太软㓥开佢真系好流，我点佢就系钟意佢同时有绿茶本身嘅苦涩味又有香甜味。 个饼本身微热，夹埋红豆蓉同绿茶雪糕一齐食有冰火效果口感好正！然后整番杯荔枝玉露$44清清哋都唔错。