影片
更多
2015-03-16
900 浏览
好食嘅嘢，一定会令人追住食。之前嚟食晚饭听伙记讲，佢哋星期日有自家手打burger卖，我系牛魔王，自然唔会放过。今个星期日去度，冇谂过成1点几佢哋都full house，我哋两位都要等位，等位嘅时候，伙记叫我哋落住单等，本来想落2个burger ,但只卖净一份，所以只点了1个，另外佢哋有二款意粉，但其中一款又卖晒，我冇饭隐其他歺唔呃食，所以点咗明太子意粉。佢地嘅午餐选择比较少，只得六款，同夜晚几十款比较的确系选择少咗啲。伙记同我哋讲，因为burger系即叫即煎，所以需时。等咗十五分钟到，好在呢个等得太久嘅burger并冇令我失望，外焦内juicy,而且仲有小小粉红，正到晕，卖$69平、靓正。值得一赞系个薯条，又粗又有质感，同M记𠮶啲比，简直系人间极品。男友食嘅意粉都唔错，系卖相冇夜晚咁靓姐，的粉都系硬硬地𠮶只。但午市啲客就明顕街坊同市井得多，食食下发生咗件小插曲，坐我哋附近一pair躁底男女，捉住佢哋啲伙记嚟闹，又话上菜慢，又话冇人招呼，老板娘之后招呼佢地，仲俾佢哋闹到晕，应该系闹唔停。全间歺厅既客人就要被迫听佢哋狂闹人，闹足半个钟唔停，好烦。点解香港人咁大怨气，人哋唔好意思咗N次，仲
之前嚟食晚饭听伙记讲，佢哋星期日有自家手打burger卖，我系牛魔王，自然唔会放过。
今个星期日去度，冇谂过成1点几佢哋都full house，我哋两位都要等位，等位嘅时候，伙记叫我哋落住单等，本来想落2个burger ,但只卖净一份，所以只点了1个，另外佢哋有二款意粉，但其中一款又卖晒，我冇饭隐其他歺唔呃食，所以点咗明太子意粉。
佢地嘅午餐选择比较少，只得六款，同夜晚几十款比较的确系选择少咗啲。
伙记同我哋讲，因为burger系即叫即煎，所以需时。等咗十五分钟到，好在呢个等得太久嘅burger并冇令我失望，外焦内juicy,而且仲有小小粉红，正到晕，卖$69平、靓正。值得一赞系个薯条，又粗又有质感，同M记𠮶啲比，简直系人间极品。
男友食嘅意粉都唔错，系卖相冇夜晚咁靓姐，的粉都系硬硬地𠮶只。
但午市啲客就明顕街坊同市井得多，食食下发生咗件小插曲，坐我哋附近一pair躁底男女，捉住佢哋啲伙记嚟闹，又话上菜慢，又话冇人招呼，老板娘之后招呼佢地，仲俾佢哋闹到晕，应该系闹唔停。全间歺厅既客人就要被迫听佢哋狂闹人，闹足半个钟唔停，好烦。
点解香港人咁大怨气，人哋唔好意思咗N次，仲要闹。个个食客睇住个大肚老板娘都觉得佢好无辜。个pair人走咗之后，个个都话佢哋冇品。
我嚟过几次，横睇掂睇呢度嘅伙记同老板都好nice,又肯教食客，所以我撑佢哋。不过，夜晚的客人就相对斯文好多，唉大杀风景，呢舖算我哋唔好彩！耳仔受足罪！
好期待试佢地嘅午餐海南鸡同醉鸡。
张贴