勝博殿日式炸豬排 (已結業)

一行五人有正经野要倾，所以拣间位置阔落D既餐厅。呢间都几岩我地，座位阔落又唔会太嘈。问待应姐姐，特上猪扒同普通猪扒有咩分别，佢话特上系日本猪，普通系泰国猪，咁既然黎得，当然试日本猪啦。睇餐牌，有特上猪扒同特上猪柳，五个人一定食得晒既，两个都叫！净系叫左两个套餐，店员话唔可以加添椰菜丝同汤，要一人一个套餐先可以。特上吉列猪扒，厚切，多肉汁，肉质松软，外层松脆，唔会太油。猪柳都松软，但略嫌唔够咬口。猪扒正好多！火锅乌冬，正常味啦，普普通通，隔左一晚已经唔系好记得个味。另外叫左D小食。芝士车厘茄烧茄子，茄子唔够林，太爽口，个人唔系咁钟意。冻豆腐，够滑但唔够味。滑蛋牛肉窝，滑蛋个味道几好，但牛肉有D过熟。猪扒系几好味既，其他就一般般啦。见其他食家话铜锣湾分店正D，下次试试！