華園餃子館

营业中

休息中

晚上10点几依然开门，系对面岩馆攀完石之后来充饥。饺子可以净叫或者加面，加面就5只，净饺就10只。价钱方面可能地段问题，比较贵。韭菜猪肉净饺 $50，茴香猪肉净饺 $54。两款饺子既皮都好薄，馅料都好足够，咬落去好juicy。个人觉得呢度既茴香比韭菜饺出色！因为茴香既味道更加浓烈，系出面好少食到！蒜蓉炒蕃薯苗 $30，以一碟青菜来讲个价钱其实都可以接受，因为份量都算大。而去炒得几有镬气，个蒜味好足。麻辣猪肚丝 $42，呢个就比较贵。因为份量唔多。本身以为系会有好多麻辣汁，原来系麻辣凉拌。但辣味系刚刚好，唔会太辣都唔会冇味。