Just Eat (已結業)

今日为左去中环donki朝圣而走左转港岛区，顺路揾食，就拣左西营盘站附近嘅Just Eat。餐厅外一片空地好空旷好舒服。之前爬过文，见到呢度嘅越南汤河几吸引，于是就order左呢碗浓味牛汤浸手切牛肉河（$78），加牛丸（$24），先呷一啖汤，牛味浓郁；之后加柠檬及辣椒粒，口味又去左另一个层次。蒜香牛油鸡翼（$36）：蒜蓉、牛油味都几突出。香茅串烧牛（$40）：牛肉够入味够惹味。饮品方面，叫咗一杯越式冻柠茶（$26）及原个椰青（$42）；前者有惊喜，茶味有清香。