Just Eat (已結業)

今日黎到西环呢一间Just Eat食野。呢间餐厅主要系食泰国菜同越南菜。其他泰国越南餐厅环境昏暗，餐厅灯光都比较黄。反而呢间餐厅入面装修风格比较现代风格，灯光明亮，比平时暗黄既灯光要好。牙车快鸡丝沙律，里面沙律菜十分爽口，鸡丝肉质唔老唔嚡，配上萝卜丝同酸甜既酱汁，十分开胃！上面既虾片脆卜卜，十分香口。浓味牛肉汤浸牛肉河，牛肉片十分嫩滑，汤底比平时食开既浓郁。而且河粉底十分弹牙，配上浓郁既汤底同嫩滑既牛肉简直人间美味！锦上添花既系入面既洋葱丝同九层塔，挤上几滴青柠汁，食到唔停口！滨海伴烧鸡，一块生菜放上米粉再放上烧鸡，淋上酱汁包好，再放入口咬一口，口感十分丰富。烧鸡口感酥嫩，酱汁为米粉增添味道，互相衬托。越式冻柠茶同青柠梳打，充满青柠既清爽感觉，柠茶既甜度岩岩好，唔会死甜。总括黎讲，价钱方面比较平民，而且食物质素都非常满意。