The Chippy (耀華街) (已結業)

要揾到好食嘅Fish n chips一系贵，一系就唔正宗。之前喺网上睇过佢地嘅介绍，加上友伴食过话好味所以果日经过就黎。一入到去好静，睇中佢可以畅所欲言。友伴留意到个餐牌唔同左，佢地想饮嘅酒基本上都无，最后叫左cider. 讲返食物，因为我地坐可以直接见到厨房嘅枱，侍应落完order 化身厨司，我地叫左3样野: fish n chips, mince pie , scampi. 炸鱼有啲腥但系可以接受，薯条唔热, gravy 一食就知用一粒粒果啲汤粒去整成，但又加唔够水去煮，结果成件事就系一个字：咸。 其余两样食物好有雪藏味，应该系攞货嘅，炸返热焗翻热俾你食。虽然我唔会再光顾佢哋嘅食物，但系有得睇波，嚟呢度饮嘢都系好嘅选择。