Bostonian Seafood & Grill (已結業)

都有10年冇去过呢间餐厅，印象中系好好食嘅，尤其是意粉。今次同闺蜜一班女仔庆祝生日，餐厅做C区可以坐7个人。第一个感觉，乜呢度咁黑嘅咩，虽然话要有情调但系好似黑得滞我第二感觉，就系睇餐牌好似冇乜嘢好叫咁嘅，冇乜选择咁。于是我哋七个人叫咗两个 seafood tower (each for 2 people) , 一个 grill platter (for 4 people),侍应仲提议我哋叫四个汤可以分7碗俾我哋。呢位侍应哥哥服务好好！系赞嘅，仲愿意帮我哋呢班好麻烦嘅女人影相。seafood platter 嘅𧐢系 fine de Clair, 好有海水味但系超级薄身，食咗好似冇食咁。虾同翡翠螺都好鲜甜，北海道元贝够大只，龙虾正常发挥。至于grill platter, 感觉系…真系冇乜特别。好普通，羊扒肉质系靓嘅，牛扒有啲过熟。加埋一个baked Alaska做甜品，两支白酒。平均$800一个人。总括， OK啦可以啦，短期内唔会再去。不过是侍应哥哥服务系好好嘅。