陳鵬鵬潮汕菜館

营业中

休息中

星期六中午一点半到达，都要等位一阵(大约十分钟) 至入得去。我哋被安排坐餐厅中央位置， 佢哋啲座位排到劲迫夹，我哋张枱掂住隔离枱个椅背，细细嘅枱加埋楼底比较矮， 充满局促嘅感觉。一坐落已经有几杯功夫茶同埋有小食系台面 ，我哋一行四人(3成人一个小朋友)点咗嘅𩠌菜包括煎蚝饼、卤水鹅肝 、鸭肾、 胡椒猪肚汤、 金牌卤水鹅肉 、潮汕炸粿肉， 每碟都细细的，目测顶多都系二人份量，唔多食得饱肚，最后不出所料，我哋四个人都要去隔离嘅糖水店 ，食返碗糖水先至够饱。总括来讲，性价比偏低😵， 食物味道方面，尚可，但系没有惊喜， 最好味居然系个餐前饼😒!卤水鹅肝唔够滑，蚝饼算够香口， 有些许烟韧嘅质感， 其他就冇乜记忆点😨，应该唔会再有下次， 最后连加一560几蚊， 人均百几蚊 。