意粉屋 (已結業)

唔记得有几多年冇去食过意粉屋了，今日好想食意粉，所以专门来试试呢间餐厅有冇唔同咗。呢间分店喺新城市广场的地下食肆果层，本身位置较偏，但铺位大，所以落到去都好易揾。四个人叫咗个二人餐，另两个套都系单点。点完都等咗十几二十分钟先有main course上。个薄批仲耐，等到其他餐都食完都仲未上。侍应话因为焗炉细，一次焗唔到太多，所以耗时。但我哋觉得似漏单⋯⋯因为餐后点咗餐饮也是三催四请先来到。餐厅本身限制用餐时间唔可以超过90分钟，好彩我哋食得快，如果唔系都唔够时间食。我自己叫咗牛肋条阔面，牛肋条唔够腍，阔面面身尚算几滑。薄批芝士好多，批边都几脆。热咖啡好香烘培豆味，唔会太涩，所以可以唔使落糖。买单613蚊，价格都差不多，只是服务和出品都十分一般，意粉屋冇乜意粉可拣，有些名不符实。