嗦嗦

营业中

休息中

星期六 夜晚七点到达，不需等位就入去。我哋两个大人一个小朋友，坐单边梳化位，地方算阔落，装修走清新路线。我哋睇餐牌见套餐(二人餐)大约由$300几至$400几 不等，配合唔同主食，有唔同嘅价钱。我哋决定散嗌，叫咗一杯榴梿奶昔 78蚊， 金菠萝海鲜炒饭138蚊， 鸡丝扎肉汤河98蚊 ，酸辣无骨凤爪72蚊， 炸春卷系赞好佢facebook或者 ig送嘅。 埋单连加一$425 本人觉得cp值一般，食物中算是最好味系🍹榴梿奶昔，饮到最尾有榴梿肉在杯底，同埋整杯奶昔榴梿味浓郁，奶昔香滑，另外觉得值得食嘅系金菠萝海鲜炒饭，有几只虾加上金菠萝(大约系八分一个菠萝)， 菠萝系烧过，多汁香甜。鸡丝扎肉汤河完全唔值哩个价，鸡丝肉质鞋口，酸辣凤爪🌶辣度十足，食得辣嘅朋友先至好叫 ，炸春卷十分油腻😒 ，全餐净系觉得个奶昔加炒饭系叫做ok 其他可以skip。