影片
更多
2012-11-13
99 浏览
契爷宴客，特别选择一间XO未去过o既餐厅，藉此制造机会比小弟品评一番，真系有心！哗，仲要拣喺间五星级酒店o既西餐厅度食，契仔当然要带齐架撑影相写笔记啦，事关出哂名孤寒o既XO仔一定唔会舍得自己比钱去试。未开饭，所有客人都已经大赞酒店位置方便，主人家当然好高兴啦。太太们喺金钟太古广场行完街可以搭「车立」直达万豪酒店；喺九龙o既亲友可以搭地鐡；有车o既友人亦可享有代客泊车服务。初初听见餐厅个名“JW’s加州餐厅”仲以为系食汉堡包，薯条之类o既美国菜；去到见倒大厨Jordi师傅先知当晚原来系食佢家乡o既西班牙菜，配合埋餐厅内又潮又有气质o既室内设计，感觉可称得上脱俗独特。我地人多，餐厅安排左间房比我地坐，不过服务生并无因此而忽略我地个大party，且保持五星级应有o既服务态度，诚恳有礼之余，亦乐于帮助及满足客人之不同需求。当晚客人未到齐，即埋位前，主人家一早安排左份惊喜比大家，就系即场手切西班牙火腿Iberico Ham，好有睇头架！（大家留意下相中师傅系带住手套切火腿架，非常卫生！）有睇开小弟食评o既朋友可能会记得XO仔因为怕咸，所以唔系好食火腿。今次肯食原因有二：第一，系比面契爷；第二，
未开饭，所有客人都已经大赞酒店位置方便，主人家当然好高兴啦。太太们喺金钟太古广场行完街可以搭「车立」直达万豪酒店；喺九龙o既亲友可以搭地鐡；有车o既友人亦可享有代客泊车服务。
初初听见餐厅个名“JW’s加州餐厅”仲以为系食汉堡包，薯条之类o既美国菜；去到见倒大厨Jordi师傅先知当晚原来系食佢家乡o既西班牙菜，配合埋餐厅内又潮又有气质o既室内设计，感觉可称得上脱俗独特。
我地人多，餐厅安排左间房比我地坐，不过服务生并无因此而忽略我地个大party，且保持五星级应有o既服务态度，诚恳有礼之余，亦乐于帮助及满足客人之不同需求。当晚客人未到齐，即埋位前，主人家一早安排左份惊喜比大家，就系即场手切西班牙火腿Iberico Ham，好有睇头架！
（大家留意下相中师傅系带住手套切火腿架，非常卫生！）有睇开小弟食评o既朋友可能会记得XO仔因为怕咸，所以唔系好食火腿。今次肯食原因有二：第一，系比面契爷；第二，见大肥爸爸食完又食，估计味道应该唔错。真心讲句，小肥从未食过咁正o既火腿！可能系因为块面包同黄色酱汁o既关系，火腿入口一啲都唔咸，又唔干，成个组合好香口，Happy Hour送酒一流！经小弟查证，原来黄色酱汁其实系蕃茄酱加橄榄油，唔怪得知食到大家咁开胃啦！
上文提到，我地晚餐主要系食Jordi师傅o既拿手西班牙菜式，所以契爷好周到地特订餐单：
Roasted Zucchini w/ Fresh Forest Mushrooms, Melted Mozzarella Cheese：可能少食西餐啦，小肥都系第一次食依个zucchini加芝士加蘑菇o既配搭。虽然系食紧芝士，不过因为有zucchini同蘑菇去中和，所以食落一啲都唔溜，野味得黎好清新，赞！
Chef Jordi's Signature Crispy Suckling Pig：中式乳猪就食得多，见识少o既XO仔都系𠮶日先知原来西班牙都出名食乳猪！仲要好有文化地用个热鐡板上，真系另小弟印象深刻！Jordi师傅o既烧乳猪一啲都唔讲得笑，皮脆肉嫩，腍身又够香，而且完全冇苏味，同我地中式煮法有得fight！虽然相睇好似好细旧，不过食完成块都有少少滞。大家如果有兴趣试，小肥建议大家可以两个人叫一客黎分。
Lobster & Saffron Paella, Cuttlefish & Red King Prawn：食完个乳猪真系几饱，因为好想食甜品，所以叫哥仔只系比半份paella我，留份另外𠮶半份打包。依道paella好足料，所以整体非常鲜香入味，龙虾做得好细腻，完全唔嚡唔老，个饭仲出色，事关师傅加左猪肉粒，曾添左一份爽脆口感。食前加上柠檬汁，清新得黎可以令到个饭冇咁溜，正！
Traditional Catalan Cream：虽然话系传统Catalan忌廉甜品，不过食落就觉得同crème brûlée无异，都系面层有块焦糖脆，底层为custard。入口第一个感想就系好甜，不过同埋啲偏酸o既生果一齐食结果好似中和左两个味道，所以都唔错。
Churros with Hot Chocolate：大肥爸爸好风趣，形容似款甜品为「鬼佬油炸鬼」，又几贴切o既。Churros做得好爽脆，唔油又唔会太甜，美味可口！记得细个曾经去过美国一个游乐场，佢地都有架零食车卖依啲Churros，不过美国𠮶啲就长啲同瘦啲。多年后食返，个感觉有少少怀旧。
特制Irish Coffee：一见倒哥哥仔推架车仔入黎，小肥当然系立刻去探个究竟啦。原来佢系入黎调制Irish coffee比大家饮，以助消滞，仲话佢特制𠮶杯除左whisky之外，仲会加入rum 同Cointreau，所以饮时会有阵甜橙味。
哥仔好细心地烧杯溶糖，据说此乃令忌廉浮面o既秘诀。
不胜酒力o既XO仔饮完杯味似鸡尾酒咖啡o既三料Irish Coffee自觉有少少wing wing地，要回一回魂先够胆开车返屋企。
总结，喺五星级酒店享用一顿传统地道高质o既西班牙菜，可以话系食得舒适，且充满惊喜。主人家契爷为晚宴费尽心思安排特备节目及餐单，盛设得叹为观止，小肥真系唔敢想像埋单要几钱。张贴
