Cozy Corner (已結業)

返工咁攰，又系时候抖抖气，约左友人出尖咀行下街，顺便食埋晚饭先返屋企。友人book左cozy corner，系K11对面，好易揾，食完撘西铁又方便，正。出面天时暑热，入到黎真系透心凉，灯光昏暗有情调，坐位又濶，谈天好地方，睇下靓靓嘅天花灯，哈哈。叫左沙律，主菜，饮品同餐汤，店员提醒任何主菜加88蚊有餐汤或沙律，饮品，同甜品，佢话咁样会抵好多，又系㖞，多左甜品但仲平过散叫，正！是日餐汤～南瓜汤，小花花好靓呀。仲会送上面包，送汤一流。南瓜打成容，好甜好味，友人不喜南瓜，咁就留返哂比我啦。蟹肉牛油果沙律，至爱牛油果，二话不说点这款。卖相十分精致，一圈圈的黑醋汁很吸睛！大大片牛油果，下面有沙律菜，再下面系蟹肉饼。一丝丝蟹肉混入牛油果粒青瓜粒，口感清爽鲜甜，再加上酸酸嘅沙律菜好开胃，作为头盘十分适合。香前焗三文鱼扒配姜汁及时令蔬菜配蜜糖芥末酱，另一样至爱嘅三文鱼，又系一定要点呢个。卖相同样漂亮，拳头咁大块三文鱼扒！煎得一啲都唔老身，鱼油满溢，入口嫩滑。少少酸嘅姜汁同三文鱼好夹，但食唔到啲green bean有蜜糖芥末味㖞？虽然系咁，但都好好味。热朱古力(比利时朱古力65%)好浓朱古力味，又香又滑