How To Live Well (K11購物藝術館)

营业中

休息中

第一次嚟餐厅好难揾，原来系近The Natural位置里面，有啲隐蔽🤣，今次预先同朋友订咗位嚟到K11呢间好木系嘅餐厅，估唔到都好多人客人等位入坐，好彩预先book定唔系有排等😂。明太子忌廉汁烟肉意粉钟意食明太子嘅我一定必点，明太子同忌廉嘅份量都多，食落好creamy带有少少辣，意粉好挂汁啖啖都食到明太子忌廉，意粉口感烟韧唔会太硬，略嫌明太子唔太出味，不过整体都好好食，值得一试。南瓜素芝士意大利饭南瓜味好出，意大利饭相对食落有啲硬身，如果个饭多返少少咸味就好啲。日式甜泡菜炸鸡配日式芥末酱炸鸡好推荐要试试佢，嚟到热辣辣，一入口外皮炸到好酥脆，外脆内软，连埋芥末酱一齐食好正，泡菜唔会太辣，食落带点甜味几好食。Old Rubbish 饮品叫咗一杯old rubbish，里面有益力多、西柚汁、橙汁同切好嘅西柚果肉，饮落酸酸甜甜几好味，而饮到尾段带点西柚嘅苦味。Peach Fruit Tea呢杯热茶好香水蜜桃味，饮落好有果香，食完油腻嘢，饮返一杯水蜜桃茶，好似帮你消除油腻感觉。