影片
更多
5天前
0 浏览
How To Live Well📍尖沙咀河内道18号K11购物艺术馆2楼201-01号舖踏入2025，先同好耐无见嘅各位讲声「新年快乐，心想事成」！近年尾多聚会、多活动，忙到完全无update过social media，亦好耐都无同朋友两个人正正经经坐喺餐厅慢慢食返餐饭，所以2025第一个post，就决定分享我哋食得比较chill同relax嘅一餐。喺K11附近睇完牙，我哋边行边揾餐厅食晚饭，目标系坐得舒服嘅Cafe。发现How to live well时，已被佢大大张嘅梳化櫈同木色装修吸引，而且A la carte价位同一般楼上cafe相若，甚至更经济，所以二话不说入内。 💰$138 (+$15 配汤及餐包)吉列芝心猪扒・日式咖喱饭 🍛朋友拣咗邪恶无比嘅咖喱吉列猪扒饭，会话佢邪恶无比，因为块吉列猪扒系芝心㗎，一切就流晒啲芝士出嚟，超邪恶！虽然系日式咖喱，味道微辛带甜，但因为喺白饭上洒咗七味粉，所以捞埋一齐食嘅时候都有少少辣㗎！讲返块吉列猪扒，肉质唔会韧，除咗大量芝士之外，咬落亦有肉汁，不错。 💰$168Seafood Pizza 🍕Pizza有9”同12”之分，两者价钱相差$20，可
📍尖沙咀河内道18号K11购物艺术馆2楼201-01号舖
踏入2025，先同好耐无见嘅各位讲声「新年快乐，心想事成」！近年尾多聚会、多活动，忙到完全无update过social media，亦好耐都无同朋友两个人正正经经坐喺餐厅慢慢食返餐饭，所以2025第一个post，就决定分享我哋食得比较chill同relax嘅一餐。
喺K11附近睇完牙，我哋边行边揾餐厅食晚饭，目标系坐得舒服嘅Cafe。发现How to live well时，已被佢大大张嘅梳化櫈同木色装修吸引，而且A la carte价位同一般楼上cafe相若，甚至更经济，所以二话不说入内。
[价钱 Price]
💰$138 (+$15 配汤及餐包)
吉列芝心猪扒・日式咖喱饭 🍛
朋友拣咗邪恶无比嘅咖喱吉列猪扒饭，会话佢邪恶无比，因为块吉列猪扒系芝心㗎，一切就流晒啲芝士出嚟，超邪恶！虽然系日式咖喱，味道微辛带甜，但因为喺白饭上洒咗七味粉，所以捞埋一齐食嘅时候都有少少辣㗎！
讲返块吉列猪扒，肉质唔会韧，除咗大量芝士之外，咬落亦有肉汁，不错。
[价钱 Price]
💰$168
Seafood Pizza 🍕
Pizza有9”同12”之分，两者价钱相差$20，可以视乎食量/人数拣选心水尺寸。Pizza有7款口味供选择，想食得丰富啲可以参考我哋拣嘅呢款Seafood pizza，墨鱼、蚬肉、虾同三文鱼铺满整个pizza，亦有蘑菇同洋葱等配料增加口感，最画龙点睛之处，就系加入大量木鱼丝，偏和风嘅口味令人惊喜。
另一值得欣赏嘅系批边奇脆，但又唔会好似饼干咁干咁硬，爱食薄批嘅pizza lovers绝对要试下！
[价钱 Price]
💰$78
Coco-cold brew ☕️
因为怕夜晚会瞓唔着，所以朋友一般好少点咖啡/咖啡类饮品。但今次居然被menu上一个名为「COFFEE WITH A TWIST」嘅category吸引，拣咗杯以cold brew coffee配coconut嘅Coco-cold brew嚟试下。
杯嘅下半系浓而不涩嘅咖啡，上半则有用coconut cream同牛奶打成嘅奶泡，加入天然甜香嘅coconut syrup，入口幼滑重椰香，搅拌均匀后更有椰香奶铁嘅风味。一杯饮品，两种饮法，非常推介！
[价钱 Price]
💰$68
Golden Heart Tea Latte 🍹
钟意玉桂嘅朋友，不妨叫返杯热嘅tea latte试试。茶底选用有「南非红宝石」之称嘅rooibos tea，茶味突出；撞入oat milk后，口感变得更细滑。用caramel syrup增加甜味，再加入cinnamon加添风味，最后以一片apple crisp同cinnamon stick装饰点缀一下，味觉同视觉齐齐享受。
张贴
