山翠熟成牛料理 (已結業)

咁啱去开K11睇展览，就顺便喺K11揾下有咩食。见到呢间慢煮既餐厅，就同朋友坐低左食野。店入面当眼处放左个熟成柜，放左好多唔同既肉。座位都几好坐，去果日唔算好多人，几好坐几舒适。同朋友叫左两周熟成牛骨肉料理、七味烧熟西班牙豚肉料理、牛脷芯。牛脷芯：我冇试到，朋友话好好食，好腍好有肉味。两周熟成牛骨肉料理：牛带有少少烟熏既味，配合几种唔同既配料同埋酱汁，一流美中不足系饭粒略软。七味烧熟西班牙豚肉料理：猪肉有少少焦香，而且好腍，七味粉既味道都好突出，配合岩盐非常好食！食物份量适中，我同朋友都好饱好满足。比较大食既朋友净系食主食既话未必够，可能要加返个小食。想去既朋友可以考虑book左位先，七点几八点左右会开始多人，有机会要等位。