616牛肉火鍋專門店 (三陂坊) (已結業)

616牛肉火锅专门店 (三陂坊)荃湾三陂坊14-18号安安楼地下C号舖早排同朋友已经黎过荃湾呢间616 打边炉，觉得非常出色，价钱大众化之余，牛肉既种类非常多，各个部位都试到，而且仲好新鲜，所以今日专登带埋屋企人一齐黎试下我地今日大约7点半黎到餐厅见到已经坐满晒食客，开头仲念住要转軚改食其他嘢，点知原来店入面仲有2楼，餐厅职员好有礼貌带左我地上黎，然后就放低左QR Code比我地自己落单，非常方便，而豉油酱料亦都系外面供食客自由配搭今晚最惊喜既就系食左黎自日本信洲牧场既和牛，我地试左牛肩胛位置，非常重牛肉味而且唔会太多筋，口感非常好，大家一定要试下，下次有机会想试埋都系同自同一个牧场既羽下肉同埋牛胸肉。。。而今晚除左和牛之外，我地仲点左匙柄，牛驼峰，牛肩脊，全部靓牛铺晒出黎真系好吸睛，而且非常新鲜，睇见都流晒口水呀总结餐厅牛肉既质素真系几高，而且品种够晒多，岩晒我呢d无牛不欢既人，但如果你唔食牛既可能就未必岩啦。。。除左牛肉之外，餐厅其他火锅配料个人觉得就正正常常啦，与其他火锅店食到既相若，有机会既都值得一试