民華餐廳

营业中

休息中

放假瞓到黄朝百晏，就同男友去左东涌的民华餐厅食午餐，两点黎到就座无虚席，门口已有唔少客人排队，好受欢迎啊！除咗经典茶餐厅美食之外，仲有多款怀旧点心，食物种类选择都好多元化常餐呢个火腿炒蛋多士味道无得弹啊！炒蛋好好味！嫩滑炒蛋有牛油香，充满蛋香仲有蛋汁，同火腿厚方包造成完美配搭，简单又美味！蕃茄叉烧通粉汤底系好浓郁嘅蕃茄味，叉烧肉质偏瘦。通粉份量劲多，男仔食都会够饱鲜竹卷沾满蚝油汁嘅腐竹，包住素菜、马蹄、同微量的猪肉碎，充满口感之余仲好够味呀，好好食鸡札鸡札大大件，鲜腐竹外皮都几滑，有豆香！里面包着鸡件、芋头、牛肚，馅料好丰富呀！鸡件好滑溜，芋头够粉糯，牛肚都好新鲜。整体质素非常好鹌鹑蛋烧卖猪肉肥瘦适中，入口好软腍，猪肉味香浓！配上鹌鹑蛋味道更特别西多士厚切方包沾上蛋浆后炸香，西多好有厚度！外表金黄香脆好诱人！食落蛋香同面包香都同样兼备，好好食啊！可以选配炼奶或糖浆，我就拣左炼奶，香甜有奶香，不得了冻咖啡面上有可可粉做点缀，咖啡味正常，奶味比较重热奶茶都系茶餐厅嘅热奶茶最好饮，奶滑茶香浓