樂天皇朝 (東薈城名店倉)

营业中

休息中

不久前先食完上海菜，可能我真系好钟意食上海菜，食多剂 -- 乐天皇朝!!乐天皇朝东涌呢度几好坐，枱同枱唔会太近，室外仲有个位 Area 可以出去行吓。平日中午黎食就要留意，佢1230 后开始无位。小笼包唔讲咁多，小笼包系必食，食过几次乐天，唔使咁多花臣，原味最好食，皮薄多汁。上海炒饭饭炒得好香好均匀，酱汁味浓，又一必食。 萝卜丝酥饼萝卜丝酥饼又一必食，外松内热辣辣，一人一只唔系好够喉。 上海生煎包生煎包个底煎得好脆，内馅亦多汁。 红油抄手饺子粒粒都好大粒好足料，唔太辣，但我觉得略嫌偏酸。 蟹粉馅儿饼唔好睇佢好似普通韮菜饼咁，佢呢个饭做得唔错，咬落去脆卜卜，仲会爆汁添。 炸馒头叫吓叫吓，唔觉意叫咗咁多包，唔紧要，炸馒头炸得脆卜卜，点练奶一绝。