麵屋 元祖達摩 (已結業)

今日收工同屋企人食饭，有时要选择食咩都几烦，醒起小弟之前去过既拉面店几好食，就叫埋屋企人去食。餐厅环境舒适，店内有张日式拉面店式的长 bar 枱，装修有日式风格。用填纸仔既方式点餐，可以组合出自己想食既拉面。见到餐厅有做比较特别嘅优惠， 每个拉面加30蚊 就可以任食拉面嘅配料， 啱晒啲食一碗拉面唔够饱嘅朋友， 不过当日我唔算系好肚饿所以冇加到。黑蒜油拉面配豚肩叉烧呢个系屋企人叫嘅， 不过我都试咗少少味， 落枱嘅时候已经闻到蒜香， 个汤底应该系猪骨汤加黑蒜油， 浓味得来唔会太咸。 豚肩叉烧的肥肉较少，做得都好入味， 淋身。辛辣拉面配豚角煮(中辛)近排都食开辣， 所以挑战下自己叫咗中辣， 都几辣，但个汤底系辣中带香， 唔系一味得个辣字， 我拣咗粗面， 面身爽口弹牙，豚角煮肥瘦适中，厚身入味。玄米茶+达摩梳打话说上次来已经几个月前，餐厅都保持到水准， 抵赞。