肯德基家鄉雞 (KFC)

营业中

休息中

行行下街口痕揾野食，两点零钟但又未够三点三，好多食店都未有下午茶餐。想起KFC两点三就有下午餐推出，即刻走去睇下有咩岩食先。只系口痕想食个轻盈下午茶，睇中左茶餐滋味盒，贪佢细细份得黎又可以食到几款食物，最后拣左S2芝士扭扭粉茶餐。S2芝士扭扭粉茶餐 ($25) 有芝士扭扭粉，狂野香烧鸡下髀，马铃薯蓉加饮品，饮品拣左热蜜糖绿茶。芝士扭扭粉真系几好食，半溶芝士捞埋D火腿落扭扭粉度，相当惹味。狂野香烧鸡下髀令人又爱又恨，狂野香烧鸡系KFC咁多款唔同鸡入面我最爱的一款，偏偏不爱家乡鸡，独爱狂野香烧鸡可惜今次件鸡下髀超级无敌缩水，缩到得返匙羹咁细，实在令人失望。今次件鸡细得好离普，不如叫鸡锤啦下午餐配的马铃薯蓉是迷你SIZE，味道不过不失。饮品拣左热蜜糖绿茶，热蜜糖绿茶有惊喜，一D都唔鸡肋，蜜糖淡香甜甜地，配上热绿茶又几好饮。S2芝士扭扭粉茶餐 ($25) ，相当抵食，口痕必选下午茶之一。